Acehlon Sayang

Nanggroe Aceh Seuramoe Makkah
Nanggroe Aceh meutuah pusaka kaya
Nanggroe jih ubit hasil meulimpah
Masa peruentah Iskandarmuda

Nibak mas nyan han peue tapeugah
Aceh meutuah maju lagoina
Nama meusyuehu lagi ngon meugah
U tiep jazirah pelosok donya

Sampoe u Turki persi ngon Makkah
Keurajaeuen luah trok u Malaka
Han soe beurani Aceh di jajah
Lindungan Allah Tuhan Nyong Esa

Deungon pahlawan beuho ngon gagah
Fi sabillillah bela agama
Geupeuthen nanggroe ngak bek di rampah
Le mush Allah kafe ceulaka

Geu ato nanggroe ngon hukom Allah
Qur-an ngon Sunnah dan khueun ulama
Rakyat jih makmu harta meulimpah
Neubri le Allah Tuhan Yang Kaya

Wahe nanggroe lon Aceh lon sayang
Pajan meuriwang lagee nyoe rupa
Supaya rakyat sabe lam seunang
Aman tenteram sunyi ngon bala

Source:G. Abas