Lidah Tinta

Ikon

Saatnya tinta bersuara lebih lantang dari suara senjata

Basa Geutanyoe

Lé Herman RN

Basa Aceh nakeu saboh dari sekian basa di Provinsi Aceh. Basa Aceh geupakèk lé seubagian ureueng nyang na di Aceh. Lôntuan peugah geupakek “sebagian ureueng”, seubab di sampéng basa Aceh, na cit basa laén di Aceh. Basa laén nyan nakeuh basa Gayo, basa Alas, basa Teumieng (Tamiang), basa Devayan, basa Sigulai, basa Haloban, basa Boang, basa Jamèe atawa basa Aneuk Jamèe, basa Kluet, ngon basa Pak-pak. Banmandum nyan geupeunan deungön basa daerah Aceh. Jadi, basa Aceh gepeutamong cit lam basa daerah Aceh, kon basa nasional Aceh.

Saboh hai nyang mesti tateupeu, basa Aceh jeut keu lambang identitas ngon keubanggaan Nanggroe Aceh. Hai nyoe seusuai deungön fungsi basa daerah seubagoe basa nasional. Di sampéng lambang keubanggaan ngon identitas nanggroe, basa Aceh meufungsi cit seubagoe alat perhubungan di dalam keuluarga ngön macarakat daerah, sarana peundukông budaya daerah, seureuta pendukông sastra daerah di Aceh dan sastra daerah Indonesia.

Meunyo meunan, peunténg that tateupeu pakiban basa Aceh nyan, utamajih dalam hai tuléh-temuléh seubagoe ragam ileumè. Saweueb nyan keu, kolom nyoe geubuka lé Harian Aceh—koran ureueng Aceh—bah taturi basa geutanyoe droeteuh.

Lawét nyoe, mantong lé simpang-siur tuléh-temuléh lam basa Aceh. Miseue, bak geutuléh ureuengorang’, na nyang tuléh urueng, na cit nyang tuléh ureung. Padahai, lam tata tuléh basa Aceh, ka jeulah mandum vokal ngon konsonan. Bah nyoe ka peurnah geutuléh lé Drs. Budiman Sulaiman (almarhum), dosèn basa di FKIP Unsyiah. Lheuh nyan na lom buku Dr. Wildan, M.Pd., dosèn bak FKIP Unsyiah cit.

Seulaén nyan, na padum-padum boh makalah atawa diktat kuliah Dr. Abdul Djunaidi, M.S. (almarhum) nyang lôn baca meungenai tata tuléh, vokal, ngon konsonan lam basa Aceh. Bak watèe lôn simak keulai tulésan-tulésan basa Aceh bak tempat-tempat umum, mantong na nyang keuliru. Miseue lom, bak kata ‘perempuan’, na nyang tuléh inoeng, nan cit nyang tuléh inöng.

Meunyo bah lagè nyoe hana tapeureumeun dari awai kon, teuntè aneuk cuco singoh meucarue-carue laju. Mungkén, ruangan nyang geubuka lé Harian Aceh nyoe jeut keu saboh peungeutahuan bak geutanyoe. Reuncana nak buka kolom nyoe ka cukôp trép. Teuma, barô jinoe trôh bak jeumba. Meunyo mantong na tulésan lôntuan nyang keuliru di sinoe, rayek that pintô haté lôn buka keu geutanyoe dihkusi. Saleuem meuturi keu taturi basa ngön budaya droe.

Iklan

Filed under: Bahasa Daerah

6 Responses

  1. Aulia berkata:

    akhe jih tulesan nyoe di tameng lam blog WP bang Herman cit lagoe, padahai barosa lon kalon bak blog Blogspot. 🙂

  2. briezant berkata:

    cukop pah nyan meuseu tatem taseu maju basa droe neuh….
    basa ata in datu tanyoe keubah…

  3. izarmontes berkata:

    tanyoe seulaku bangsa atjeh cit harus ta seumaju basa droe neuh u tamulyakan ata indatu tanyoe keubah..

  4. Subki berkata:

    Saya salut dengan tampilan blog Anda ini dan penuh dengan berbagai hal. Ulon tuwan neuk teumanyong bak droeneuh, phat tamita “Tata Bahasa Aceh?” atawa “Kamus Bahasa Aceh?”

  5. lidahtinta berkata:

    Buku tata bahasa aceh na di pustaka Unsyiah dan pustaka prodi PBSI FKIP Unsyiah. Meunyo kamusjih, hana jeulah, ata yang na kabo. hehehe

  6. izar montes berkata:

    assalamu alaikom warahmatullah.
    Nanggroe meutuwah ulon ceurita.
    Di nanggro atjeh lee that sejarah.
    Nanggroe seuneubah oleh ulama.

    Dum basa pi ka geukeubah.
    Tulisah jeulah atjeh p0e atra.
    Arab jawo atjeh teumuleh.
    Latin hai wareh jin0e d tuka.

    Loe that dum gadoh ejaan atjeh.
    Seubab ka jareung dum ureung guna.
    Teuma d kamus ta mita susah.
    Pusaka wilayah nyapat muken na.
    Di IAIN deungon UNSYIAH.
    Le poe seujarah nyanpat pusaka.

    Di mesjid raya nyan kureung jeulah.
    Adak na muken 1 2.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

TABIK

Pembaca yang budiman, tidak dilarang mengutip tulisan dari web blog ini, baik seluruh maupun sebagian. Harapan kami, jangan lupakan sumbernya. Senang kami jika ada komentar ditinggalkan, apa pun bentuknya. Diskusi lebih lanjut dilayani di pelangijantan@gmail.com Terima kasih.

PO TULEH

TWITTER SAYA

  • @tirtadaroy_bna yang baik, kenapa setiap Sabtu-Minggu air di sepanjang Jl. Prof. Ali Hasjmy mati total? Apakah ada batasan kubik pemakaian? 2 weeks ago

Masukkan alamat surel Anda untuk berlangganan blog ini dan menerima pemberitahuan tulisan-tulisan baru melalui surel.

Bergabunglah dengan 2.388 pengikut lainnya

%d blogger menyukai ini: