Lidah Tinta

Ikon

Saatnya tinta bersuara lebih lantang dari suara senjata

Bunyi lam Basa Aceh

hern1Herman RN

Bunyi’ lam basa Aceh bak kajian nyoe nakeuh bunyi nyang na lam kajian basa meungeunai fonologi. Fonologi nyan nakeuh saboh disiplin ileumè basa nyang geukaji meungeunai bunyi basa.

Bunyi lam basa Aceh saban mantöng lagè bunyi lam basa-basa laén umumjih. Bunyi basa nyan jeut tabagi lam dua bagian, nyakni bunyi vokal ngon bunyi konsonan. Vokal geubagi lom jeut keu vokal tunggai ‘vokal tunggal’ ngon vokal rangkap (ganda). Meunan cit ngon konsonan, na nyang nanjih konsonan tunggai ‘konsonan tunggal’, na teuma konsonan rangkap (ganda).

Bunyi-bunyi basa nyoe jitubiet dari artikulator (alat ucap manusia). Alat-alat ucap nyan na nyang nanjih labium (bibi), apek (ujông lidah), laminum (ôn lidah), dentum (gigo), palatum (langèt-langèt kreuh)), dorsum (uram lidah), velum (langèt-langèt lunak), alveolum (uram gigo/pangkal gusi), uvula (anuek teukak/aneuk rukueng), akar lidah, ngon parinx/glothis (kakeun). Dari babandum nyoe, na lom saboh alat teuk nyang cukôp berpengaruh, nyakni pita suara.

Contoh bunyi nyang jitubiet dari labium ngon labium (dua bibi) nakeuh [b], [p], [m], [w]. Bunyi [t] lam basa Aceh na nyang geupeuhasé lé apek ngon alveolum. Contohjih, nyang töh. Meunyo apek ngon dentum geupeuhasé bunyi [θ]. Bunyi nyoe sama deungon bunyi [ث] lam basa Arab. Contohjih lam basa Arab, tsumma. Contoh lam basa Aceh: aθèe (asèe) ‘anjing’ lam dialèk Aceh Rayek. Meujanjan, bunyi [θ] nyoe lam dialèk Aceh Rayek bak ungkapan aθèe jeut keu retofleks: atèe. Bunyi nyoe geupeutubiet dari apek ngon palatum.

‘Oh lheuh nyan, bunyi nyang geupeutubiet lé labium ngon dentum (lé bibi yup ngon gigo ateuh) nakeuh [f] ngon [v]. Bunyi huruf-huruf nyoe, jeut takeun hana lam basa Aceh, keucuali kata serapan dari basa laén, miseujih fitnah (dari basa Arab).

Meunyo bunyi nyang geupeuhasé lé laminum ngon palatum nakeuh lagè [c] ngon [j]. Bunyi nyoe geukeun cit ngon sebutan bunyi palatal. Contohjih: caröng ‘pandai/pintar’, jeue ‘jala’. Bak bunyi palatal nyoe, mantong lé ureueng nyang keuliru, saweueb na cit [sy] nyang geupeuhasé lé palatal sehingga na nyang teumuléh geusyik, meusyén. Padahai, lam basa Aceh hanya bunyi [sy], kecuali bak haba husy… (sue parôh mie atawa manok). Peujeut meunan? Saweueb [sy] nakeuh konsonan bergetar. Lam basa Aceh, hana konsonan bergetar, keucuali serapan dari basa laén atawa peungarôh dialèk (bah konsonan bergetar nyoe, takaji pajan-pajan mantong).

Teuma meunyo bunyi dorsum ngon uvula, harahjih ‘hurufnya’ nakeuh [k] ngon [g]. Contohjih: kamoe ‘kami’, gop ‘orang’. Bunyi dorsum meureumpok ngon uvula na cit geupeuhasé [x]. Ma, lam basa Aceh hana haba nyang geupeuphôn ngon harah [x].

Na padum-padum boh teuk bunyi (harah) nyang geupeuhasé lé perpaduan alat-alat ucap manusia nyang hana lôntuan seubut di sinoe, saweub haba nyang geupeuphôn ngon harah nyan hana lam basa Aceh, tetapi mungkén na lam basa laén. Saleuem.

Iklan

Filed under: Bahasa Daerah

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

TABIK

Pembaca yang budiman, tidak dilarang mengutip tulisan dari web blog ini, baik seluruh maupun sebagian. Harapan kami, jangan lupakan sumbernya. Senang kami jika ada komentar ditinggalkan, apa pun bentuknya. Diskusi lebih lanjut dilayani di pelangijantan@gmail.com Terima kasih.

PO TULEH

TWITTER SAYA

  • @tirtadaroy_bna yang baik, kenapa setiap Sabtu-Minggu air di sepanjang Jl. Prof. Ali Hasjmy mati total? Apakah ada batasan kubik pemakaian? 2 weeks ago

Masukkan alamat surel Anda untuk berlangganan blog ini dan menerima pemberitahuan tulisan-tulisan baru melalui surel.

Bergabunglah dengan 2.388 pengikut lainnya

%d blogger menyukai ini: