Vokal lam Basa Aceh

Lé Herman RN

Meunyo minggu baroe kaleuh taulang kaji teumpat-teumpat jitubiet bunyi lam basa Aceh, uroe nyoe lon keuneuk peugah bacut meungeunai “bunyi vokal” lam basa geutanyoe.

Seudeurhanajih, bunyi vokal geukeun ngon bunyi nyang udép, saweub jeut tamong harah (huruf) konsonan peu mantong dalamjih. Lam basa linguistik, bunyi vokal geukeun ngon “bunyi oral”, nyakni “bunyi lepas”. Vokal lam basa Aceh geubagi jeut keu dua bagian: vokal tunggal ngon vokal rangkap.

Bèda ngon basa Indonesia, vokal tunggal lam basa Aceh na 17 boh: 10 vokal tunggal nyang jitubiet lepas dari rongga dada meulalui babah; 7 vokal nyang jitubiet dari idông. Vokal nyang jitubiet dari babah nyoekeuh nyang geukeun ngon bunyi oral. Meunyo vokal nyang jitubiet dari idông geukeun ngon bunyi sengau atawa bunyi nasal atawa geukheun cit bunyi c’o.

Vokal tunggal lam basa Aceh nakeuh [a], [i], [e], [è], [é], [eu], [o], [ô], [ö], ngon [u]. Maséng-maséng vokal nyan jeut tabôh lam contoh lagèe jimiyup nyoe.

– bak ‘pohon’ | – adak ‘sekiranya’

iku ‘ekor’ | – gli ‘geli’

– le ‘banyak’ | – e ‘kata seruan’

èk ‘tinja’ | – bèk ‘jangan’

– lé ‘oleh’ | – éh ‘tidur’

– aneuk ‘anak’ | – keubai ‘kebal’

– boh ‘buah’ | – pujo ‘puji’

– bôh ‘isi’ | – ôk ‘rambut’

– böh ‘buang’ | – deungo ‘dengar’

u ‘kelapa’ | – bu ‘nasi’

‘Ohleuh nyan, tujôh boh vokal nasal lam basa Aceh nakeuh [‘a], [‘i], [‘è], [‘eu], [‘o], [‘ö], ngon [‘u]. Contoh lam narit vokal-vokal nyoe nakeuh:

– ‘ap ‘suap’ | – s’ah ‘bisik’

– ‘i-‘i ‘bunyian’ | – sa’i ‘mengurung diri’

– ‘èt ‘pendek’ | – la’èh ‘leumah’

– ‘eu ‘ya’ | – ta’eun ‘wabah’

– ‘oh ‘hingga’ | – kh’op ‘bau busuk’

– ‘ph’öt ‘bunyi padam api’

– ‘u-‘u ‘bunyian’

Vokal nasal nyan, bak watèe takeun, jitubiet c’o dari lam idông. Nyankeuh jeut, geubôh tanda koma saboh di wateuh [‘]. Tanda nyan geukeun ngon apostrof. Vokal-vokal nasal nyoe hana lam basa Indonesia, kecuali haba nyang diterjemahkan dari basa laén, miseue: jum’at, do’a, nyang geucok dari basa Arab. Ejaan Indonesia nyang ka geupeuseusuai lam Ejaan Yang Disempurnakan hana lé geupakèk tanda apostrof, bahpih keu bunyi c’o. Teuma meunyo lam basa Aceh, tanda apostrof mantong geungui. Bunyi-bunyijih pih rap saban ngon padum-padum boh harah lam basa Arab.

Contoh: ‘ab ‘suap’, s’ah ‘bisik’ rap saban ngon bunyi ain [ع] basa Arab lam narit ‘alamun ‘donya/dunia’. Meunan cit ngon vokal [‘i], rap saban ngon [ع] lam basa Arab bak narit ‘isyaun ‘seupôt/sore’.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

w

Connecting to %s