Lidah Tinta

Ikon

Saatnya tinta bersuara lebih lantang dari suara senjata

Vokal Rangkap

Herman RN

Vokal rangkap lam basa Aceh na 17 boh cit, sama ngon vokal tunggal. Vokal rangkap atawa vokal ganda nyoe geubagi lam dua golongan, vokal rangkap nyang geupeuakhé ngon [e] ngon vokal rangkap nyang geupeuakhé ngon [i].

Vokal rangkap nyang meuakhé ngon [e] na 10 boh: ie, èe, eue, oe, öe, ue, ‘ie, ‘èe, ‘eue, ngon ‘ue. Meunyo tabôh lam contoh haba, iem ‘diam’, batèe ‘batu’, ureueng ‘orang’, baroe ‘kemarin’, lagöe ‘kok’ (geupakèk watèe tapeugah hai-hai nyang hayeue atawa teukeujôt), bue ‘kera’, p’iep ‘hisap’, ‘èerat ‘aurat’, ‘eue ‘merangkak’.

Teuma ‘oh lheuh nyan, vokal rangkap nyang meuakhé ngon [i] na tujôh boh: ai, ‘ai, ei, oi, ôi, öi, ngon ui. Contoh habajih, gatai ‘gatal’, meuh’ai ‘mahal’, hei ‘seru’, boinah ‘kekayaan/harta benda’, bhôi ‘kue bolu’, lagöina ‘sangat’, bui ‘babi’.

Dari padum boh contoh nyan, jeut tateupeu lé geutanyoe bahwasajih lam basa Aceh na cit vokal rangkap ch’o ‘sengau’. Seulaén nyan, tateupeu cit lé geutanyoe, lam basa Aceh le that harah vokal. Hai nyoe saweueb lam basa Aceh berlaku tanda diakritik.

Bah tanda diakritik nyoe kön saboh keuwajéban keu tapakèk. Tanda-tanda diakritik nyoe seubeunajih seuneujôk awak Beulanda lé Snouck Hurgronje. Teuma peunténg cit keu taturi seubagoe peubèda padup-padup boh haba nyang saban bak tutôran tetapi meulaén watèe tatuléh. Peulom, tanda diakritik nyoe ka geungui lé ureueng-ureueng chik geutanyoe dari awai kön.

Tanda-tanda diakritik lam basa Aceh nyan nakeuh grave ngon harahjih [è], aigu ngon harahjih [é], macron ngon harahjih [ô], trema [ö]. Contoh grave bak haba lhèe ‘tiga’, èk ‘tinja’. Contoh aigu nakeuh ék ‘naik’, ‘oleh’. Contoh macron nakeuh bôh ‘isi’, gadôh ‘gaduh’. Contoh trema nakeuh böh ‘buang’, töh ‘mana’.

Meunyo tanda-tanda diakritik nyan hana tangui lam teumuléh saboh-saboh narit, teuntèe payah taturi makna atawa makeusud narit nyan, barô jeut tameupôm meunyo ka jituléh lam kalimat. Saweueb nyankeuh, lôn peugah tanda nyoe hana wajéb, tetapi peunténg.

Iklan

Filed under: Bahasa Daerah

2 Responses

  1. Zulham berkata:

    Nyoe bang, droe neuh kajeut keu guru bahasa aceh, jinoe karab hana le guru bahasa aceh, lom pih di aceh nyoe ureung dum ka beu o geu meututo bahasa aceh…

  2. willy berkata:

    embrueng -_-

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

TABIK

Pembaca yang budiman, tidak dilarang mengutip tulisan dari web blog ini, baik seluruh maupun sebagian. Harapan kami, jangan lupakan sumbernya. Senang kami jika ada komentar ditinggalkan, apa pun bentuknya. Diskusi lebih lanjut dilayani di pelangijantan@gmail.com Terima kasih.

PO TULEH

TWITTER SAYA

  • @tirtadaroy_bna yang baik, kenapa setiap Sabtu-Minggu air di sepanjang Jl. Prof. Ali Hasjmy mati total? Apakah ada batasan kubik pemakaian? 2 weeks ago

Masukkan alamat surel Anda untuk berlangganan blog ini dan menerima pemberitahuan tulisan-tulisan baru melalui surel.

Bergabunglah dengan 2.388 pengikut lainnya

%d blogger menyukai ini: