Lidah Tinta

Ikon

Saatnya tinta bersuara lebih lantang dari suara senjata

KONSONAN

Lé Herman RN

hernMeunyo huruh vokai lam basa Aceh geubagi dua macam, konsonan meunan cit, nyakni konsonan tunggai ngon konsonan rangkap. Konsonan tunggai na 23 boh. Konsonan rangkap na 23 boh. Teuma di sinoe, teulubèh dilè takaji konsonan tunggai.

Konsonan Tunggai

Konsonan tunggai nakeuh huruh-huruh seulaén vokai nyang geungui lam tameututô. Geukheun tunggai saweueb bunyi nyang timboi watè takheun huruh nyan nakeuh saboh sue fonem, meuseuki huruhjih na dua. Konsonan tuunggai nyan nakeuh [p], [t], [c], [k], [b], [d], [j], [g], [f], [s], [h], [m], [n], [ny], [ng], [mb], [nd], [nj], [ngg], [l], [r], [w], ngön [y].

Meunyo tabôh lam conto, narit nyang geungui konsonan-konsonan nyan di antarajih: [p] pajôh ‘makan’, [t] takue ‘leher’, [c] cabeueng ‘cabang’, [k] ka ‘sudah’, [b] baroe ‘kemarin’, [d] deuh ‘tampak’, [j] jaweueb ‘jawab’, [g] grak ‘gerak’, [f] faké ‘fakir’, [s] sipak ‘sepak’, [h] ho ‘ke mana’, [m] meuh ‘emas’, [n] nan ‘nama’, [ny] nyoe ‘ini’, [ng] ngeut ‘bodoh’, [mb] mbôn ‘embun’, [ng] tandéng ‘tanding’, [nj] panjoe ‘kapas’, [ngg] nggang ‘enggang’, [l] lom ‘lagi’, [r] rô ‘tumpah’, [w] woe ‘pulang’, [y] yôh ‘saat’.

Konsonan-konsonan nyan kadang na di awai haba, kadang di teungoh haba, kadang jeut cit di akhé haba. Teuma, khusôh konsonan [b], lam basa Aceh hana nyang di akhé haba, keucuali haba nyang geuseurap dari basa Arab. Contojih, ranup ‘sirih’ kon ranub. Konsonan [b] lam basa Aceh nyang geuseurap dari basa Arab contojih kitab ‘kitab’.

Lam tulésan nyoe seungaja hana lôn peutamöng konsonan [sy] seubagoe salah saboh konsonan tunggai saweueb seubagian ahli basa geukheun hana konsonan [sy] lam basa Aceh. Konsonan [sy] nyan geupeugah seubagian ahli basa po basa Arab, saweueb lam huruh Arab (Hijaiyah) na huruh sin [س] ngon syin [ش]. Lam basa Aceh, sue syin geukheun biasajih jeut keu konsonan [c], miseue meusyén nyang seuharôhjih meucén, desya seuharôhjih dècha. Bah nyoe lôntuan hana bôh batah, saweueb seubagian ureueng Aceh lam gampông-gampông mèmang na nyang kheun dècha keu makeusud dèsya, na cit nyang kheun lom dèsa, dausa, atawa dosa. Nyan bandum nakeuh dialek.

Iklan

Filed under: Bahasa Daerah

One Response

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

TABIK

Pembaca yang budiman, tidak dilarang mengutip tulisan dari web blog ini, baik seluruh maupun sebagian. Harapan kami, jangan lupakan sumbernya. Senang kami jika ada komentar ditinggalkan, apa pun bentuknya. Diskusi lebih lanjut dilayani di pelangijantan@gmail.com Terima kasih.

PO TULEH

Masukkan alamat surel Anda untuk berlangganan blog ini dan menerima pemberitahuan tulisan-tulisan baru melalui surel.

Bergabunglah dengan 2.400 pengikut lainnya

%d blogger menyukai ini: