Lidah Tinta

Ikon

Saatnya tinta bersuara lebih lantang dari suara senjata

Hikayat Duek Pakat

Le Herman RN

Assalammualaikum… warahmatullah…

Poma ngön ayah… saudara lingka…

Assalammualikum… warah matuhu…

Ayah dan ibu… bandum semua…

Ulôn bri saleum… syarat mulia

Pujoe keu Allah… saleum saidina…

Bak lôn po haba… kadang na salah

Poma ngön ayah… meu’ah keulôn beuna…

Dengön bismillah… haba lôn puphôn

Ulôn tunturôn… asai bak mula…

Peurtama phôn… lôn lakee meu’ah

Meunan amanah… bak uerueng tuha…

Kadang di pat-pat bak lôn keumarang

Na salah layang… ulôn po haba

Maklôm lôntuan… mantoeng lam pendidikan

Mantoeng di rangkang… lom sikula

Maklôm E Tuan… mantoeng… aneuk miet paja….

Sigohlom, ta tamöng… dalam.. dalam  cerita

Acara, acara keunal..keunalan leubeh.. dilee utama…

Meuyone nan lontuan… la E rakan… beurnama Herman

Nama peunulang… nama pemberian.. bak ureueng tuha…

Meunyoe asai adek… la E Pak Cek… Aceh.. Seulatan

Dengan keucamatan… keudeee kandang… geuboh nama…

Di sideh adek lahe… adek dipapah.. lee dua nang mbah

Geukeun lee Ayah… ‘oh ka rayeuk meutuah…

beujeut meuguna…

Beujeut balah guna ma… beujeut keu manusia…

Nyan acara keunal keunalan… kaleuh.. kaleuh lon rawi

Jino E, E Abi… tamong, tamong  dalam cerita…

Saboh ceurita… jinoe lon peuphôn

Wahe E Apmôn… dalam sejarah

Ceurita singkat lôntuan rawi

Wahe E Abi… masa pahlawan

Bak geuprang kaphee… di teuku Uma

Dengan peumuda… gagah lagoina

Syahid dalam prang… ka jeut cita-cita

Dalam syuruga… teumpat bahgia

Bahlee wafeut lakoe meutuah…

Peurumoh ceudah Cut NYak Dien nama

Han geusurot le ‘oh ka meulangkah

geubôt ija mirah geutantang beulanda…

Rincông bak jaroe… ija geusawak

Dipeugöt lapak musyawarah geupeuna

Dengan peumuda… geuduek meupasat

Geumufakat… bansigoem donya

Bansigoem naggroe… geupeusahoe

Bak meuligoe peubulat tekad

Beulanda laknat geuuse dari naggroe

Oh akhe dudo… Aceh pi jaya

Nyan ceurita bak jameun dilee…

Bak masa Aceh mantoeng dijajah

Dalam sejarah ka mandum dithee

Aceh meutuah gagah lagoina

Hana that panyang… adek ceurita

Wahe E poma meu’ah beuraya

Tapi seukeuda ingat sejarah…

Wahe E ayah… tapöt keuhikmah

Bandum peunjajah… habéh meunyeurah

Geusurôt langkah… aceh geuseumah

Nyandum tuah… buet meusapat

Peusaboh pakat usee peunjajah…

Bak lagee tuwah haba peuneurah

Haba peuneugah bak ureung tuha

Meuyoe but ka mupakat

Ngon lampoh jirat jeut tapeugala

Meunan geutamse… lam hadih maja

Dari carita… kajeut keu adat

Tapeusaboh pakat… naggroe tapeudong

Adat Tapeukong seni budaya

Adat ngoe agama… hanjeut tapisah…

Poma ngoen ayah… adun ngoen cupo

Nibak uroenyoe… taduk meusapat

Tapeukong adat… tabila naggroe…

Tapeunoh undangan… lam duk pakat raya

JKMA peuna… dalam gampôngnyo

Haba tapeusahoe… pakat beusama

Adat budaya… reusam ureung droe…

Ta meusapat… beuramee-ramee

Bak Mukim Blang Mee… taduk meukawôm

Di keucamatan Lhoong… wahé saudara

Ayah poma… tuha ngoen muda…

Adat tapeukong… rakyat tabila…

Hasee devisa… tabagi sama

Beek jan awak luwa… ditamong keuno

Harta geutanyoe… gobnyan kuasa…

Kasep ube na… ube nyang ka ka…

Aceh beujaya… lagee dileekon…

Agam ngön inong… tuha ngön muda…

Gasien bekle na… jinoe bak geutanyoe…

Sang ceurita… leupah that panyang

Jinoe lon pulang… bak ureung droee

Meu’ah E cutpo… haba nyang lantang

Ceurita lon karang… kon keu galak droe

Ceurita lon peugah… dari seujarah

Keleuh geukisah… di dalam buku

Jinoe E abu… ulon meulangkah

Peurayeuk me’ah ayah dan ibu…

Duek pakatyoe… beumeuteumee hase

Doa ulon bree… keu bandum saudara

Keu JKMA… ngoen masyarakat

Seumoga mufakat… Allah pi redha…

Pat paya nyang hana meulintah

Meukön paya peunlumat

Pat haba nyang hana salah

Meukön haba nabi Muhammad

Lon thot padang… angöh rang ile

Haba lon peu abeh.. ‘oh no carita

Kuta Radja, Pertengahan April 2007

Iklan

Filed under: Puisi

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

TABIK

Pembaca yang budiman, tidak dilarang mengutip tulisan dari web blog ini, baik seluruh maupun sebagian. Harapan kami, jangan lupakan sumbernya. Senang kami jika ada komentar ditinggalkan, apa pun bentuknya. Diskusi lebih lanjut dilayani di pelangijantan@gmail.com Terima kasih.

PO TULEH

Masukkan alamat surel Anda untuk berlangganan blog ini dan menerima pemberitahuan tulisan-tulisan baru melalui surel.

Bergabunglah dengan 2.400 pengikut lainnya

%d blogger menyukai ini: